O fito pop máis grande da historia cumpre 25 anos. Coma o día do incidente do 11-S, todos lembramos onde e cando descubrimos que estabamos ante un acontecimiento histórico inigualable. Eu, de volta do Colexio Franciscanos a casa. Nunha zapatería na rúa da Raíña de Lugo poñían tuentiforseven o vídeo en cuestión. A xente agolpábase no escaparate como se fose a última vez. Un puto éxito como non recordo na miña vida. Cando pasou a moda puxeron outros vídeos dos 80, pero xa non era o mesmo. Anos máis tarde a zapatería pechou.

Nunca aprendín a bailar Thriller. Cravo o Moonwalker.

Dandys ferroláns

Onte á noite re-presentouse Gorevisión, un programa que foi emitido nunha televisión local de Narón hai 14 anos e volta para pertenecer ao catálogo infinito de internet. Gorevisión representa mellor ca ninguén a idea que moitos tiñamos do que podería ser unha televisión local: a evolución lóxica das radios piratas que naceron nos últimos 80. Non foi así. As televisións locais do momento foron compradas por grupos de comunicación que nunca souberon que facer con elas. Hoxe forman parte dun cementerio de oportunidades: as máis desaproveitadas á hora de renovar formatos na tele do noso país.

Peiteado doutro século.

Gustavo Harvey explícanos o concepto Gorevisión:
Read the rest of this entry »

George Constanza nunca aparca en garaxes de pago. Déixallo claro a Elaine cando, despois de dar voltas por Nova York buscando unha praza, confesa: “Na miña familia non pagamos por nada que se poida conseguir gratis cun pouco de esforzo. Por eso meu pai nunca foi de putas e eu non pago aparcamento.” A filosofía Constanza é aplicable ao internauta de hoxe. Ninguén pagará por contidos que cun pouco de paciencia se poden atopar de balde.

Nesa carreira televisiva da que xa se falou aquí e na que se están tomando posicións para o 2008, MySpace fixo un movemento falso para avanzar cinco casillas. MySpace.tv parecía unha copia de Youtube aproveitando a rede social da que dispoñía. O problema para que esto nunca tivese o éxito proposto era (aparte de que o modelo xa estaba inventado) que o usuario de MySpace o é de moitas outras ferramentas que usa como dios lle dá a entender e a súa fidelidade a MySpace é relativa.

Pero MySpace.tv era, en realidade, un paso en falso para a creación dunha nova canle, programa, aproveitamento networqsocial ou como queiran chamarlle: O MySpace Transmissions. A importancia de MySpace na revolución musical destes dous últimos anos é tan grande como puido selo a MTV no seu día, así que a deriva lóxica de dispoñer de millóns de usuarios que fan música e usan a túa ferramenta para difundila é crear unha canle de vídeo específica.

A idea de MySpace Transmissions é seguramente a que anda buscando a MTV. Entrevistas exclusivas a estrelas , presentación de vídeos ao mundo, e o que é máis importante e representa un camiño por explorar: actuacións en directo, miniconcertos, o que sería unha nova versión de unplugged, os Take away shows para popstars.

Esta podería ser unha das mellores ideas do ano se non fose porque todo esto quere ser de pago. MySpace Transmissions nace cun principio estratéxico torto: ofrecer un catálogo de putas e parkings aos Constanza do mundo. Xa sei que o iTunes foi un éxito sen precedentes, que hai moita xente que xoga ao poker online e que o porno ten unha vía de negocio importantísima na rede, pero os servicios e ferramentas máis rendibles a longo prazo son os gratuítos, os que usa todo dios, os que o Constanza identifica como gratis total e onde se pode atopar de todo.

E tampouco creo que Enjuto Mojamuto sexa moito de pagar.

Esta marabilla é o cartel promocional da serie que empeza en xaneiro. Máis, aquí.

A canle de televisión por cable TV Land (Viacom) e a revista Entertainment Weekly presentan este venres un especial de dúas horas sobre as 50 grandes iconas televisivas da historia. E cando falamos de iconas falamos dun nivel superior ao das estrelas. Actores que se confunden con personaxes, personaxes que se confunden coa propia historia da televisión, mitos vivintes e figuras inmortais da televisión americana que foron bigger than life e están tamén no noso imaxinario.
Aquí poden facer o seu topTV e comparalo co resto do mundo.

Este é o meu.

A xente esperando a que empece Lost

Na análise do consumo popular ten cada vez máis importancia os programas de televisión que se comparten en Internet. O problema é que non vai ser fácil medilo coa precisión coa que se miden outros. O New York Times publica, por exemplo, unha listaxe de acceso ás webs, que non serviría para aportar datos reais de consumo pero si unha aproximación aos rankings de interese dos usuarios.

A web do Mira quien baila americano (Dancing with the stars, ABC) arrasa coa mesma intensidade có seu programa, e Gossip Girl, a miña rookie favorita do ano, colócase no Top10 pese a que se emite nunha canle moi nova, The CWTV, e destinada a un público moi xoven.

“É estupendo permitir que os usuarios se expresen cos nosos contidos”.

Jason Killar, director executivo de Hulu.

A televisión pouco a pouco cae da burra. Ata tal punto que dous competidores directos como NBC (General Electric) e FOX (News Corporation) sacan adiante un proxecto con intención de ser xigante. A idea de HULU é poñer a disposición dos internautas os contidos destas canles para que sexan distribuídos en blogs, correos electrónicos, enlaces ou o que sexa, e competir co Youtube como se youtube fose só un servicio de vídeo. Hulu presume de ter cartos, medios, contidos de calidade, e resolución para poñer nun plasma e flipar. O único que lle falta é convencer a Disney (ABC) e algunhas máis para que vendan os seus programas ao proxecto Hulu. ABC ten intención de facer importante o seu portal (abc.com) colgando alí vídeos en alta calidade, e a CBS está con AOL.com e Joost, unha televisión online entendida como tele á vella usanza, con canles, moita publicidade e entretemento ao estilo da MTV de hoxe. De feito, sería a plataforma ideal para a MTV, e esa cousa que quere sacar adiante entendido como multiplataforma de entretemento, un concepto moi fácil de vender a un directivo pero unha carallada para o espectador.

Halloweentube

Youtube, que sabe que cada vez lle saen competidores máis avanzados (como stage6), está trabajandoenellou. Promete que, en breve, os seus vídeos poderán verse en pantalla completa e así facer realidade o soño do internatua. Youtube ten dúas vantaxes nesta carreira de obstáculos que explotará no 2008:

1. É máis ca unha marca. É un concepto televisivo entendible por calquera cidadán do mundo. Todos os novos compáranse con Youtube para decir que son máis guapos, máis altos e máis ricos, pero cada vez que un competidor se compara contigo é que está mirándose no teu espello.

2. O éxito de youtube non está tanto no servicio de vídeo por internet senón na web 2.0. O youtube triunfa en vídeos curtos e, sobre todo, que non se verían se non existise. Todas as televisións para internet do futuro non deixan de intentar trasladar o seu modelo de negocio a internet no canto de crear un modelo novo, como fixo o noso querido youtube.

Killar ten razón na súa afirmación: o estupendo é “permitilo”, porque o outro xa o facíamos desde que existe Youtube, aínda que nos dicían que era pecado. A min agora sáeme esto para expresarme:

Actualización: O blog de hulu di que esta semana empezarán a distribuír contidos cos seus socios: AOL, Comcast, MSN, Myspace e Yahoo.