A nova princesa do soul, considerada a versión boíña de Amy Winehouse, deuse a coñecer no 2003 programa WawFfactor, a Operación Triunfo da televisión galesa S4C, que emite maioritariamente en galés. E nesta lingua cantaba Aimee -o seu nome, Duffy é o apelido-, e ademais facíao con este peiteado. Quedou segunda.
Todo aquel teleclubeiro/a que se prece debe ter a estas alturas instalado o Miro (antes Democracy Player), un reprodutor de tv na rede baseado en software libre, que ademais de baixar por suscrición RSS todo canto vídeo che apeteza ver (youtube e googlevideo incluídos) permite que ti engadas o teu propio programa ou video blog, poñéndoo ao mesmo nivel de accesibilidade que a HBO ou o National Geographic, por poñer un exemplo de grandes canles que xa decidiron estar aí.
Se buscamos por Galicia, Galiza ou galego todo o que nos atopamos é unha proba fallida que fixo o blogueiro Dorfun hai uns meses e, oh sorpresa, o programa de motor da TVG. Trátase de Galicia Ras, un dos espazos máis seguidos pola ampla afección ao motor galego. E un claro exemplo de como os programas-nicho dunha televisión xeralista poden ter un grande percorrido máis alá do clásico broadcasting. Ao tubo e á mula me remito.
O programa está guai. Velaquí un spot protagonizado polo meu compi da facultade Carlos García-Verdugo, que é quen presenta o programa. Non proben a imitalo nas súas eiras.
Xa tedes unha suscritora máis no Miro, compañeiros.
Este post é para ver como funciona YouEmbedTube, un sitio novo que permite crear un carrusel de 3 a 8 vídeos baseados nun tag de Youtube, creado, por un sobriño de Julián Gallo e mais un colega.
No exemplo, unha lista cos vídeos que aparecen se poño o tag “lugo”.
A aplicación en si non é para tanto, pero grazas a ela descubrín un vídeo que me ten entusiasmada: esta actuación das Spice Girls na miña cidade. As clons das cantantes (?) británicas escolleron para tan xeitoso videoclip localizacións que van das Termas ás costas do parque.
Lugo’s got talent
Que é peor, ser aragonés ou ser galego? Neste 2008 poderémolo descubrir grazas a Zattoo, que acaba de enviar estas grandes novidades ao noso correo.
Los Reyes Magos se han adelantado un poco y han pasado por Zattoo para dejarnos algunos canales nuevos. Será porque quieren que ya los disfrutéis durante las vacaciones de Navidad? Este es su regalo:
- Aragón Sat: Canal autonómico para todos los mañicos y cualquiera que se sienta jotero…
- TVC Internacional: la televisió en català. Ja pots veure « Polònia » allà on vulguis
- TVG Europa (a partir de enero): Se tés morriña ou estás enganchado ao Luar, para ti a Galega.
- Popular TV: Canal de información y entretenimiento enfocado en la familia.
- Canal Parlamento: De acuerdo… no es “House”, pero con las elecciones cada vez más cerca, igual es una buena oportunidad para ver a quien vas a votar..
- The Poker Channel (en inglés): Todo sobre el póker. ¿Sabíais que el ganador del último torneo anual más importante de póker (WSOP) es una mujer, tiene 19 años, es noruega y por llevarse este premio se ha
embolsado 2 millones de dólares…? Pues sí.
- Bloomberg TV (en inglés, a partir de enero): Uno de los canales de noticias financieras más prestigiosos del mundo.Desgraciadamente, junto a estas buenas noticias, llega una un poco mala. TVE nos ha pedido que interrumpamos la retransmisión de Teledeporte y de Canal 24 Horas, a pesar de que la había autorizado hace tiempo. No
entendemos muy bien los motivos, pero tenemos que respetar su decisión, a la espera de que regresen pronto a nuestra parrilla y a vuestras pantallas…Estamos recibiendo muchos correos electrónicos preguntando si vamos a añadir nuevos canales. Como veis, hacemos todo lo que podemos para daros una oferta mayor, pero como dependemos de las cadenas, a veces las cosas no van todo lo rápidamente que quisiéramos. Si tenéis sugerencias para nuevos canales, no dudéis en escribirnos. Es más, quizás sea una buena idea que escribáis también al canal en cuestión…
¡Felices fiestas a todos! y sed malos…
Zattoo España
Cifras e letras non está mal -como calquera cousa que presenten Paco Lodeiro ou Elisenda Roca- pero non deixa de ter ese aire entre académico e crucigrameiro tan propio do formato e que tan ben lle acaían a Octavio Iglesias ou a Yolanda Castaño. O que se leva agora é devolverlles ás palabras esa vida que os engolados presentadores do século XX lles quitaron e pousalas de novo no laboratorio que as viu nacer, que é a rúa. Albízaras: o vindeiro luns volve á TV3 Caçadors de Paraules.
E se a alguén non lle entran ganas de botarse á rúa, ou cando menos un mínimo espírito de nadal ao ver isto, é que non ten remedio. Nin entrañas nin corazón.
Felices festas. No 2008 queremos vervos a todos bailar.
E dá como resultado Summer Heights Light, a telecomedia (como me gusta esta palabra) que arrasou este outono en Australia, da man da ABC. Como dicimos no título, esta serie xunta a parodia de calquera serie de instituto co falso documental ao estilo de The Office ou Larry David. Se a isto lle sumamos o xenio dun actor capaz de interpretar os tres protagonistas, unha realización moi próxima aos videoblogs de adolescentes, e un propio videoblog no sitio oficial da serie, temos un hype seguro. E un camiño que non tardarán moito en experimentar as televisións de aquí, a ver con que sorte.
Para afondar no concepto aproveiten os dez magníficos exemplos que puxeron esta fin de semana no ADN para celebrar a estrea de Redacted.
E atención á noticia da semana: hai uns días comentabamos aí á dereita que os creadores de Trinta e Tantos e Esta é a miña vida pasaban da industria televisiva e facían unha serie só para internet. Pois pouco lles durou o enfado, porque a NBC acaba de anunciar a compra de Quarterlife logo de que se emitisen tan só 3 capítulos na rede. A serie pasará dos 8 minutos por capítulo en MySpace aos 42 necesarios para un broadcasting convencional. Non deixa de ser irónica esta viraxe de perrencha a pelotazo en menos dunha semana, e mesmo ten un certo cheiro a operación de marketing, en plena folga de creadores. Pero si que supón un gran chanzo para demostralle á industria que ten por diante unha chea de posibilidades.
Aquí tedes o primeiro capítulo. De novo, o videoblogueo marca o estilo da serie. E como me mola que a prota teña un portatil igualiño ao que está publicando este post.
Son os ditadores bos directores? Esta é a pregunta que formula hoxe SlateV, revelándonos en imaxes a carreira como cineasta do incomparábel líder norcoreano, Kim Jong Il. Pulgasari é un deses mitos que tanto lle prestan ao blogueo friqui -ao que nos sumamos- e que non deixan de sorprender ao resto da humanidade. Na mula ha de estar.
