O blog de Alalá
publicado o Martes, 23 de Outubro, 2007 por orsinia
Atopeino de casualidade despois de que Cesare me falase do blog de Mil Ribeiras. Son as dúas incorporacións blogueiras deste ano no que á CRTVG se refire, e dámoslles calurosa benvida. O de Alalá ten todo o que ten que ter: contido de sobra ordenado temporalmente, información de cada programa e enlace para repescar os programas vellos. Non lles pedimos máis, só que outros programas bulan un pouco tomando o exemplo.
